Svetofor va tartibga soluvchi
Svetofor chiroqlari
- Yashil — harakatga ruxsat.
- Miltillovchi yashil — ruxsat vaqti tugayapti, tez orada taqiqlovchi signal yonadi.
- Sariq — harakat taqiqlanadi. Keskin tormozlamasdan to'xtay olmasangiz, davom etishingiz mumkin.
- Miltillovchi sariq — svetofor tartibga solmayapti, belgilar va navbat qoidalariga amal qiling.
- Qizil, shuningdek qizil va sariq birga — harakat taqiqlanadi.
Qo'shimcha seksiya
Asosiy chiroq qizil bo'lsa ham, qo'shimcha seksiyadagi yashil strelka yonsa, shu yo'nalishda harakatlanish mumkin. Lekin bu holda boshqa yo'nalishlardan kelayotganlarga yo'l berasiz.
Tartibga soluvchining ishoralari
Tartibga soluvchining ishorasi svetofor, belgi va chiziqlardan ustun. Uni eslab qolishning oson usuli bor: ko'krak va orqa — "devor", ularga qarab yurib bo'lmaydi.
- Qo'llar yonga cho'zilgan yoki tushirilgan: yon tomonlardan to'g'riga va o'ngga (tramvay faqat to'g'riga) yurish mumkin. Ko'krak va orqa tomondan harakat taqiqlanadi.
- O'ng qo'l oldinga cho'zilgan: chap yon tomondan barcha yo'nalishlarga (tramvay faqat chapga), ko'krak tomondan faqat o'ngga yurish mumkin. Orqa va o'ng yon tomondan harakat taqiqlanadi.
- Qo'l yuqoriga ko'tarilgan: barcha harakat taqiqlanadi, to'xtay olmaydiganlar bundan mustasno.